Нора Джеруто Азиадада Қазақстан қоржынына жүлде салды
Қазақстандық жеңіл атлет Нора Джеруто Жапониядағы Азия ойындарында 3000 метрге кедергілер арқылы жүгіруден күміс медаль жеңіп алды.
Маусымдағы үздік нәтижесін көрсетті
Джеруто финалдық жарыста 9 минут 06,82 секунд нәтиже көрсетіп, мәреге екінші болып жетті. Бұл оның биылғы маусымдағы ең үздік көрсеткіші. Ол Бахрейн атынан сынға түскен Уинфред Явиге жол берді.
Уинфред Яви финалда 9 минут 04,36 секунд көрсетіп, алтын медаль жеңіп алды. Сонымен қатар Азия ойындарының жаңа рекордын орнатты.
Қола жүлде үндістандық Парул Чоудхариге бұйырды. Ол 9 минут 08,67 секунд нәтиже көрсетіп, жеке рекордын жаңартты.
Жүлдегерлер үштігі
1. Уинфред Яви (Бахрейн) – 9:04.36
2. Нора Джеруто (Қазақстан) – 9:06.82
3. Парул Чоудхари (Үндістан) – 9:08.67
Нора Джеруто ірі жетістіктерін жалғастырды
Нора Джеруто Қазақстан құрамасы сапында өнер көрсету құқығын 2022 жылы алған. Сол жылы АҚШ-тың Орегон штатында жеңіл атлетикадан әлем чемпионатында Қазақстан атынан алтын медаль жеңіп алды.
Енді Джеруто Жапониядағы Азиада-2026 ойындарында ел қоржынына тағы бір жүлде – күміс медаль қосты.
XX жазғы Азия ойындары Жапонияның Айти-Нагоя аймағында 19 қыркүйек пен 4 қазан аралығында өтіп жатыр.