Қазақстандық теннисші тұңғыш рет WTA рейтингінің үздік жүздігіне кірді
Бұған Қытайда өткен турнирдегі нәтиже әсерін тигізген.
Қазақстандық теннисші Жібек Құламбаева мансабында алғаш рет жұптық сындағы WTA әлемдік рейтингінің үздік жүздігіне енді.
Жаңартылған рейтингте 26 жастағы қазақстандық спортшы 95-орынға көтерілді.
Құламбаеваның үздік жүздікке кіруіне Қытайдың Гуанчжоу қаласында өткен WTA 250 турниріндегі сәтті өнері ықпал етті. Қазақстандық теннисші нидерландылық Изабель Хаверлагпен жұптасып, жарыстың жартылай финалына дейін жеткен еді.
Ченнаида негізгі торға шықты
Жібек Құламбаеваның жекелей сындағы соңғы турнирі Үндістанның Ченнаи қаласында өткен WTA 250 жарысы болды.
1 қарашада қазақстандық теннисші іріктеу кезеңін сәтті өтіп, негізгі торға жолдама алды. Алғашқы матчта ол украиналық Елизавета Котлярды 6:2, 6:3 есебімен жеңді.
Бұл туралы не ойлайсыз?