Бангкокта бокстан жастар және 22 жасқа дейінгілер арасындағы Азия чемпионатында Нұрбек Мұрсал алғашқы жеңісін тойлады.
70 келіге дейінгі салмақта ел намысын қорғап жатқан Нұрбек турнирдегі алғашқы кездесуін бірден ширек финалдан бастады. Оның қарсыласы филиппиндік Брэндон Джей Сориано болды. Үш раундқа созылған тең дәрежедегі жекпе-жек төрешілердің бөлек шешімімен Нұрбектің пайдасына шешілді. Бұл нәтиже оған жартылай финалға жолдама алып, кем дегенде қола медальді кепілдендіруге мүмкіндік берді.
