Санатәлі Төлтаевтың келесі жекпе-жектегі қарсыласы анықталды
Кездесу 31 қазанда Ақтөбеде ұйымдастырылады. Жекпе-жек сегіз раундқа жоспарланған.
Қазақстандық кәсіпқой боксшы Санатәлі Төлтаев (4-1, 2 КО) жуырда рингке оралады. Қарсыласы да белгілі.
Irfin Promotion мәліметінше, Төлтаев Ресей атынан өнер көрсететін армениялық Петрос Ананянмен (18-4-2, 9 КО) кездеседі.
Жекпе-жек Ақтөбеде өтеді
Кездесу 31 қазанда Ақтөбеде ұйымдастырылады.
Жекпе-жек бірінші жартылай орта салмақта өтіп, сегіз раундқа жоспарланған.
Санатәлі Төлтаев кәсіпқой рингтегі соңғы кездесуін өткен жылдың тамыз айында Сауд Арабиясының Эр-Рияд қаласында өткізді. Ол украиналық Данило Лозанға (16-1, 9 КО) есе жіберді.
Ананян да жеңілістен кейін рингке шығады
Петрос Ананян соңғы рет биыл 29 тамызда Белградта жұдырықтасты.
Ол сербиялық боксшы Алексей Шендриктен (6-0, 1 КО) мерзімінен бұрын жеңілген.
Осылайша, Ақтөбедегі кездесуде екі боксшы да соңғы жеңілістен кейін жеңіс жолына оралуға тырысады.