Penalty.kz қосымшасыГол туралы бірінші біліңіз Ашу
Футбол
Бөлімдер

Қазақстандық ММА ардагерлері UFC турниріне қатысуға ниет білдірді

Қазақстанда 2027–2028 жылдары UFC турнирін өткізу мәселесі қарастырылып жатыр.

Қазақстандық ММА ардагерлері UFC турниріне қатысуға ниет білдірді
sportnews.kz

Қазақстанның ММА федерациясының президенті Сағындық Мекеев елде UFC турнирі ұйымдастырылған жағдайда октагонға шығуға дайын қазақстандық файтерлер туралы айтты.

Оның сөзінше, қазіргі таңда бірден UFC деңгейінде өнер көрсетуге толық дайын жаңа есімдер көп емес. Дегенмен болашағынан үміт күттіретін спортшылар бар және оларға мүмкіндік беруге болады.

Жұмағұлов пен Исмағұлов дайын

Сағындық Мекеев Қазақстанда UFC турнирі өтсе, тәжірибелі файтерлердің қызығушылығы жоғары екенін атап өтті.

"Қазір бірден UFC-де өнер көрсетуге дайын, ерекше көзге түсіп тұрған спортшыны көріп тұрған жоқпын. Әрине, жақындап қалған, болашағы бар жігіттер бар. Оларға мүмкіндік беруге болады.

Егер UFC турнирі Қазақстанда өтетін болса, оған ардагерлердің өзі қатысуға асығып отыр. Жалғас Жұмағұлов пен Дамир Исмағұлов өнер көрсетуге ниет білдірді", – деді Мекеев.

Хамитов пен Ахметов те октагонға шыққысы келеді

Федерация басшысының айтуынша, әлеуметтік желі арқылы Қуат Хамитов пен Қайрат Ахметов те UFC турнирінде жекпе-жек өткізуге қызығушылық танытқан.

Осылайша, Қазақстанда UFC кеші ұйымдастырылса, турнирге бұрын жоғары деңгейде өнер көрсеткен бірнеше тәжірибелі файтер қатысуға дайын болуы мүмкін.

Қазақстандықтарға UFC келісімшартын алуға мүмкіндік

Сағындық Мекеев мұндай турнирдің қазақстандық жас файтерлер үшін де үлкен мүмкіндік болатынын айтты.

"Жалпы, осы турнирдің арқасында Қазақстаннан бір-екі спортшыға UFC-мен келісімшарт алып беру жақсы болар еді", – деді ол.

Оның пікірінше, Қазақстандағы UFC турнирі тек тәжірибелі спортшылардың қайтадан ірі сахнаға шығуына емес, жаңа есімдердің ұйымға жолдама алуына да ықпал етуі мүмкін.

Бұл туралы не ойлайсыз?