"Қайрат" Еуропа лигасынан шығып қалды

Шерхан Қалмырза бірнеше қауіпті соққыны қайтарды

Алаң иелері алғашқы минуттардан-ақ белсенді шабуылға көшті. "Қайраттың" қақпашысы Шерхан Қалмырза бірнеше қауіпті соққыны қайтарып, командасын голдан құтқарды.

Алматылықтар бірінші таймның ортасына қарай қарсылас қақпасына жақындай бастады. Ең қолайлы мүмкіндіктің бірінде Луиш Мата қақпашы Колин Коосеманспен жеке шыққанымен, оны жеңе алмады.

Байбектің қолмен ойнауы пенальтиге әкелді

Үзіліске дейін Олжас Байбек өз айып алаңында допты қолымен ойнап, төреші пенальти белгіледі. Он бір метрлік соққыны Михайло Цветкович дәл орындады.

Екінші таймның басында Даниил Сикан бельгиялық клубтың басымдығын арттырды. Кейін алаң иелері тағы бір гол соғып, кездесудің қорытынды есебін белгіледі.

Осы жеңістің арқасында "Андерлехт" Еуропа лигасының жалпы кезеңіне жолдама алды. Ал "Қайрат" еурокубок маусымын Конференциялар лигасының жалпы кезеңінде жалғастырады.