Қазақстан құрамасының футболшысы клуб ауыстыруға жақын
Бұған дейін БАҚ-та қорғаушыға "Ақтөбе" клубы қызығушылық танытып отырғаны хабарланған еді.
Семейдің "Елімай" клубының оң қаптал қорғаушысы Арсен Әшірбек командадан кетуге жақын.
ASnews.kz мәліметінше, 23 жастағы футболшының клубпен келісімшарты осы жылдың соңында аяқталады. Бұған дейін БАҚ-та қорғаушыға "Ақтөбе" клубы қызығушылық танытып отырғаны хабарланған еді.
Әшірбек маусымда 30 матч өткізді
Өткен маусымда Арсен Әшірбек барлық турнирді қосқанда 30 матчқа қатысты. Осы кездесулерде 3 гол соқты. 4 нәтижелі пас берді.
Арсен Әшірбек "Елімай" сапына 2026 жылдың басында Көкшетаудың "Оқжетпес" клубынан ауысқан болатын.
Оған дейін ол туған қаласының "Тараз" командасында өнер көрсетті.
Қазақстан құрамасында алты матч өткізген
Қорғаушы Қазақстан ұлттық құрамасының сапында да ойнаған.
Оның еншісінде ұлттық команда үшін 6 матч бар.
Елімай 
Ақтөбе