Сүйек беріктігіне көмектесетін өнімдер анықталды
Диетологтар сүйек тінінің беріктігін сақтап, оның тығыздығын арттыруға көмектесетін тағамдарды атады.
Martha Stewart басылымының хабарлауынша ағзадағы кальций қорын толықтыру үшін сүт ішіп, жапырақты көкөністерді күнделікті ас мәзіріне қосудың маңызды. Маманның айтуынша, брокколи, қыша жапырағы сияқты көкөністер кальцийге бай. Олардың құрамындағы бұл минерал ағзаға сүт өнімдеріндегі кальций секілді жақсы сіңеді.
Диетологтар сондай-ақ сүйек тінінің тығыздығын сақтауға көмектесетін магнийдің де маңызын атап өтті. Алиса Пайктың айтуынша, бұл минералдың жақсы көздерінің бірі - асқабақ дәні. Маманның мәліметінше, қуырылған асқабақ дәнінің шамамен 28 грамында 156 миллиграмм магний бар. Бұл ересек адамның тәуліктік қажеттілігінің шамамен 37 пайызына тең.
Омега-3 пен ақуыздың пайдасы
Мамандар омега-3 май қышқылдарына бай тағамдарды да тұтынуға кеңес береді. Олар майда еритін D, A, E және K дәрумендерінің сіңуіне ықпал етіп, ағзадағы қабыну үдерістерін азайтуға көмектеседі. Сонымен қатар, омега-3-тің жақсы көзі ретінде консервіленген майшабақ пен албырт балықты сүйегімен бірге тұтынған жөн, өйткені балық сүйектері де кальцийдің қосымша көзі саналады.
Аталған балық түрлерінде ақуыз мол. Ол ағзадағы коллагеннің түзілуіне және сүйек тінінің беріктігін сақтауға қажет. Мамандардың айтуынша, сүйек саулығын қолдау үшін кальций, магний, омега-3 және ақуызға бай өнімдерді теңгерімді рационға қосу маңызды.