Сәтпаев "Бернли" сапында 4:0 есебімен жеңіске жетті
"Бернли" Чемпионшиптің тоғызыншы турында сырт алаңда "Уотфордты" ірі есеппен жеңді.
Кездесу 4:0 есебімен аяқталды. "Бернли" алғашқы таймда-ақ үш гол соқты. 13-минутта Якуб Бруун Ларсен есеп ашса, 19-минутта Зеки Амдуни командасының басымдығын арттырды. Ал 25-минутта Рео Хатате үшінші голдың авторы атанды.
Ойынның 87-минутында Маркус Эдвардс гол соғып, кездесуді түйіндеді.
Дастан Сәтпаев алаңға оралды
Жарақатынан айыққан Дастан Сәтпаев бұл кездесуді қосалқы құрамда бастады. Қазақстандық шабуылшы 74-минутта Якуб Бруун Ларсеннің орнына алаңға шықты. Flashscore статистикалық сервисі Сәтпаевтың ойынына 6,7 балл қойды.
Бұл - "Бернлидің" осы маусымдағы Чемпионшиптегі алғашқы жеңісі. Команда ұпай санын жетіге жеткізіп, турнирлік кестеде бір саты жоғарылады. Алайда клуб әлі де төменгі лигаға түсіп қалу аймағында қалып, 22-орында тұр.